Ka Leo o Nā Hōkū Welowelo: The Voice of the Comets

By Kumu Loke Han

Students in Papa 6 Kula Kaiapuni o Kualapuʻu, Kualapuʻu Public Conversion Charter School, are excited to share some of their first quarter adventures ma ka ʻōlelo Hawaiʻi. Please enjoy their articles written to support student learning in and out of the classroom! E ola ka ʻŌlelo Hawaiʻi.

Ka Heluhelu i ka Papa Malaaʻo

Mai Hawaiʻi a i Niʻihau, aloha mai kākou!  ʻO wau ʻo Maluhia Ignacio, a ʻo kekahi hana punahele ma ke kula, ʻo ia ka heluhelu ʻana i nā haumāna ma ka papa mālaaʻo.  ʻO kēia koʻu hana punahele no ka mea hiki ke heluhelu i nā pōkiʻi a ʻaʻole pono e ʻōlelo wikiwiki, a he leʻaleʻa loa!  Hiki ke aʻo i nā pōkiʻi i ka hua ʻolelo hou.  ʻAe, pololei ʻoe – aia  kekahi kolohe ma ka papa mālaaʻo, akā o ka hapanui o lākou, makemake iā mākou e heluhelu a no ia kumu e hoʻolohe ia mākou!

Heluhelu wau i nā puke ʻōlelo Hawaiʻi akā, i kekahi manawa pono e ʻōlelo ma ka ʻolelo pelekania. Puni nā keiki i ka moʻolelo o nā holoholona, nā holoholona Hawaiʻi a me nā holoholona o ka ʻaina ʻe. ʻAʻole au maopopo i nā inoa o nā holoholona a pau a no ia kumu maikaʻi ka heluhelu ana i ka pōkiʻi i hiki iaʻu ke aʻo pū. 

Eiʻa ka hana: Koho ke keiki i ka puke, a laila heluhelu wau a laila kūkākūkā māua e pili ana i ka moʻolelo. Ma hope, e kahakiʻi ke keiki i ka mahele punahele o ka moʻolelo a kōkua wau iā ia i ke kākau ʻana.  Mahope o ia hana, haʻaheo ke keiki i kāna hana!  Aloha wau i ka puke ame ke keiki no laila ke hana nei ka mea ʻelua, hauʻoli koʻu naʻau. 

No Laila, o kēlā ka hana ma ka heluhelu puke i ke keiki papa mālaaʻo.

E hoʻāʻo ʻoe. E heluhelu kākou!